اسلام آباد۔22جنوری(اے پی پی) د اطلاعاتو، خپرونو او پارلماني چارو نګران وفاقي وزير مرتضی سولنګي وئيلي دي چې په هېڅ صورت د عدليې په ضد د کمپاين چلولو اجازه ورکولې كېدې نه شي ، په داسې چارو كښې د ككړو په ضد به د آئين او قانون له مخې كارروائي كولې شي۔ دروغ وئيل ځينو خلقو خپل كاروبار ګرځولے دے ٬ اولس بايد د داسې ناسمه او په دروغو د اډانه خبرونو تحقيق وكړي٬ مونږ بايد د بې صبرۍ او د دروغو کلتور مخه ونيسو۔ د ګل په ورځ دلته د اېف آئي اے او پي ټي اے چارواکو سره يو خبري کنفرنس ته د وينا په مهال د اطلاعاتو وفاقي وزير ووئيل د عدليې پرېكړې د خلقو ملكيت وي٬ د سپريم کورټ د 13م جنورۍ پرېكړې په ضد د هېواد دننه او بهر هېوادونو كښې غليط كمپائن وچلولے شو د كوم چې د هېواد آئين او قانون اجازه نه وركوي۔ ده ووئيل داخله وزارت په 16 جنورۍ د يو نوټيفيكشن له مخې يو مشتركه تحقيقاتي ډله (جي آئي ټي) جوړه كړه چې پكښې د اېف آئي اے، پي ټي اے پشمول د وفاقي تحقيقاتي ادارو استازي شامل دي او دا كمېټۍ خپل كار كوي۔ وفاقي وزير په دې موقعه د آئين آرټيكل 19 حواله وركړه په كوم كښې چې وئيلي شوي چې د اسلام عظمت يا د پاكستان او يا د دې كومې برخې سالميت يا دفاع ٬ نورو هېوادونو سره د ملګرتيا اړيكو ٬ امن عامه ٬ د تهذيب يا اخلاق ګټو ته پام كولو سره يا د عدالت سپكاوي ٬ د كوم جرم يا ددې ترغيب سره د اړوند قانون د لارې د لګولې شوې مناسب بنديزونو تابع كېدو سره به هر وګړي ته د تقرير يا د رايې څرګندونې او پرېس آزادي وي۔ مرتضیٰ سولنګی ووئيل مونږ له به د بې صبرۍ او د دروغو كلتور مخه نيول وي۔ ده ووئيل د اېف آئي اے او پي ټي اے په شمول مجاز ادارو د عدليه مخالف كمپائن په څير چارو په ضد خپلې كارروائي روانه ساتلې ده۔ ده ووئيل د ميډيا د لارې د هېواد دننه او بهر په داسې چارو كښې ككړو ته خبردارې وركولې شي چې هغوي دې داسې چارو څخه ډډه وكړي په بل صورت كښې به يۍ په ضد د قانون له مخې كارروائي كولې شي۔ ده ووئيل په 17 اګست 2023ء سوګند پورته كولو څخه وروستو ښكاره وئيلې شوي دي چې دا هېواد د آئين له مخې چلېږي ٬ د آئين له مخې نګران حكومت جوړ شوے دے او د 8 فروری ټولټاكنو څخه وروستو به نوې قانوني او آئيني حكومت جوړ شي۔ ده ووئيل د آئين په مقدمه كښې ليكلې شوي دي چې دا هېواد به د دې ټاكلې شوي استازي چلوي۔ د يوې پوښتنې په ځواب كښې ده ووئيل د قانون خلاف ورزي كوؤنكي كوم وګړي به ضد به د قانون له مخې كارروائي كولې شي۔ د داخله وزارت په اړه د يوې پوښتنې په ځواب كښې ده ووئيل كه د كوم وزارت وزير نه وي نو د هغې قلمدان وزيراعظم سره وي٬ داخله وزارت په غوره ډول خپلې چارې ترسره كوي۔ د يوې بلې پوښتنې په ځواب كښې ده ووئيل د كوم هم سياسي ګوند په انتخابي دفتر د بريد به اړوندې ادارې نوټس اخلي۔ ده ووئيل ټاكنې په امناكه ډول كول زمونږ ذمه واري ده۔ د انټرنېټ د اوسني بندش په اړه د يوې پوښتنې په ځواب كښې ده ووئيل دا تكنيكي خرابي وه ٬ زمونږ د هېواد د زياتره كاروبارونو انحصار په انټرنېټ دے ٬ مونږ لپاره د هېواد معيشت تر ټولو زيات مهم دے۔
د عدليه مخالف کمپاين اجازه په هيڅ صورت وركولې كيدې نه شي ، دا ډول فعاليتونو كښې د ككړو په ضد به د آئين او قانون له مخې كارروائي كولې شي٬ مرتضی سولنګي
مضمون کا ماخذ : لوٹومینیا اکومولڈا
متعلقہ مضامین
.jpg)
