ملتان 23 دسمبر (اے پی پی) خارجه وزير مخدوم شاہ محمود قریشی وئيلي دي نیب قوانین كښې د بدلون ګنجائش شته خو په دغه قوانین كښې بدلون لپاره اپوزیشن چې كومه سمجهوته كول غواړي هغسې نه شي كيدے۔ د حضرت شاہ رکن سهروردی ؒ درې ورځنې كلن عرس اختتامی دستورې نه پس ميډيا سره په خپلو خبرو كښې خارجه وزير مخدوم شاہ محمود قریشی ووئيل اېف اے ټی اېف د هېواد معامله ده بايد دې ته د سودے بازۍ يا ذاتی ګټې په تناظر كښې ونه كتلې شي۔ېیف اے ټی اېف په معامله اپوزیشن نیب قوانین كښې د خپلې ذاتی ګټې ترمخه رعایتونه غواړي ٬ هغوي د تيرو لسو كلونو راهسې په حكومت كښې وؤ بايد هغوي نیب قوانین كښې بدلون كړے ؤ۔ده ووئيل هغوي مونږ ته 34 نکاتی نیب قوانین كښې د بدلون مسودہ راكړې وه ٬ د هغې د لوستلو نه پس هغې څخه د این آراو بوي راتللو ځكه مونږ پرې خبره ونه كړه۔ ده ووئيل وزیراعظم عمران خان د پی ډی ابم لاهور جلسې په لار كښې د خنډانو راولاړولو خلاف ؤ او مونږ هيڅ ډول مداخلت نه ؤ كړے ٬ دغسې ملتان جلسې له كه هم هغوي له د سټیډېم اجازه وركړې شوې وه نو قام ته په ډاګه شوي وو ، بايد اوس هغوي د استعفاګانو وركولو ډرامه بنده كړي كه استعفاګانې وركول غواړي نو بيا دې خپلې استعفاګاني د سپیکرانو سره جمع كړي ٬ خو پی ډی اېم په دې معامله او په يوه بيانيه متفق نه دے۔ده ووئېل د جمعیت علماﺀ اسلام يو لارښود د خپلو تحفظاتو او خیالاتو څرګندونه كړې دغسې (ن) لیګ كښې هم دوه ډلې شته ،پاکستان پیپلز پارټي په غونډو كښې ناست كسان هم بې اختیاره دي ٬ د هغوي اصل پريكړې آصف علی زرداری کوي ٬ مونږ يواځې د هېواد ګټې ترمخه ټولو سره خبرو له چمتو يو۔ د يوې پوښتنې په ځواب شاہ محمود قریشی ووئيل هند سره نه بیك ډور رابطې لرو او نه د دې ګنجائش شته، هند ته معلومه ده چې كه د پاکستان په ضد ئې څه ډول اقدام وكړو نو ځواب به وركوو ۔ ده ووئېل هند د كورني اړي ګړي ښکار دے هلته اقلیتونه غیر محفوظ دي ٬ د هغوي د کشمیر پالیسی ناکامه شوې او دغه د هغوي اولس او پوهانو هم مسترد كړې ۔ ده ووئيل هلته بې روزګاری زياته شوې ٬ سرمایه کاری کمه شوي، دا مهال هند سره د خبرو اترو ځاے نه لرو ۔ خارجه وزير ووئيل مونږ پی ډی اېم تحریك په تشدد یا په زبردستۍ د مخنيوي كومه اراده نه لرو ٬ د تحریکونو د پولیس د لارې مخنيوے نه كيږي ٬ مونږ سیاسی کارمندان يو په سیاسی ډول به ئې مقابله كوو
نیب قوانین كښې بدلون لپاره به اپوزیشن سره سمجهوته نه كوو ،خارجه وزير شاہ محمود قریشی
مضمون کا ماخذ : عمومی کلیدی الفاظ
متعلقہ مضامین
