اسلام آباد۔6نومبر(اے پی پی) وفاقی وزیر صنعت و پیداواررانا ??نویر حسین آکھیے ملک اچ ٻاہرلی سرمایہ کاری دا ودھارا حکومت دی اولین ترجیح اے، اڄوکے ݙینھاں اچ ملکی معیشت بہتری آلے پاسے ٹری ، حکومت نجی شعبے کوں ساریاں سہولتاں ݙیسی ۔ اے ڳالھ انھاں نیسلے پاکست??ن دی طرفوں منعقدہ ھک تقریب اچ آکھی ۔ انہاں آکھیے حکومتی کوششاں توں اڄوکے ݙینھاں اچ ملکی معیشت بہتری دے پاسے ٹری ، حکومت نجی شعبے کوں ساریاں سہولتاں ݙیسی ۔ رانا ??نویر حسین نیسلے پاکست??ن دی شاندار برآمدی کامیابیاں دی تعریف کریندے کمپنی دی کامیابی کوں ملک دے نجی شعبے دی لچک دا ثبوت قرارݙتا ۔ انہاں آکھیےنیسلے کامیابی نال 26 ملکاں کوں آپݨی برآمدات ودھاوئن جیں توں ملک دے فارن ریزروز اچ چنڳاں ودھارا تے معیشت دی بحالی دے حکومتی منصوبیں اچ معاونت ملی۔انھاں آکھیے نیسلے دی کامیابی ایں اہم کردار دی نشاندہی کریندی اے جو کاروبار کہیں ملک دی اقتصادی ترقی اڳوں ودھاوݨ اچ ادا کریندن انھاں کمپنی کوں معیار تے بہترین کارکردگی سانڳے آپݨی وابستگی جاری رکھݨ دی ترغیب ݙتی ۔ نیسلے دے مشہور برانڈز بشمول ایوری ڈے، و??ئٹل اتے ملک پیک کریم کامیابی نال مقامی صارفین تئیں پڄدی پئی اے ۔وفاقی وزیر ملک کوں ھک اہم برآمدی مرکز دے طور تے بݨاوݨ دی لوڑھ تے زور ݙیندے نیسلے دی کامیابی کوں ݙوجھے کاروباراں سانڳے ھک ماڈل دے طور تے بیان کیتے۔ رانا ??نویر نیسلے دے سی ای او تے ٹیم کوں قومی معیشت اچ انھاں دے تعاون تے مبارخ ݙتی ایں اعتماد دا اظہار کیتے جو کمپنی 2030 تئیں آپݨا100 ملین ڈالر دا ہدف گھن گھنسی۔
