اسلام آباد 21 اپرېل (اے پي پي) د مذهبي چارو وفاقي وزير پير نورالحق قادري وئيلي دي د مذهبونو ترمېنځه شريك احترام او ورورولي د وخت مهم ضرورت دے. بدھ مت او اسلامي تعليمات د امن او مينې درس وركوي. ده دا خبرې د شورو په ورځ د سري لنكا د بدھ راهبانو 14 كسيزه پلاوي سره په خپلو خبرو كښې وكړې كوم چې وفاقي وزير سره د مذهبي چارو وزارت كښې ملاقات كولو. وفاقي وزير او د وزارت چارواكو د پلاوي هركلے وكړو. په دې موقع وفاقي وزير پير نورالحق قادري ووئيل لكه څنګه چې پاكستان د هند سكهانو لپاره د كرتاپور لار پرانستې ده، هم داسې مونږ په پاكستان كښې د بدھ مت مقدس مقامات هم پرانستل غواړو. وفاقي وزير ووئيل په دې لړ كښې زمونږ مقصد يوازې د سېلګرې وده او پېسه ګټل نه دي بلكې مونږ غواړو چې د بدھ مت د پېروكارو او د پاكستاني اولس ترمېنځه امن او ورورولي وده ومومي. ده ووئيل د بدھ راهبانو لخوا دا دوره ډېره مهمه ده او دې سره د پاكستان او سري لنكا ترمېنځه نوې لارې به پرانستلې شي.
د مذهبونو ترمېنځه شريك احترام او ورورولي د وخت ضرورت دے. د مذهبي چارو وفاقي وزير پير نورالحق قادري
مضمون کا ماخذ : لوٹومینیا کے نتیجے میں پچھلے حصے
متعلقہ مضامین
