اسلام آباد۔19جون (اے پی پی) صدر مملكت اصف علي زرداري د لويې اختر د رارسېدو په مناسبت ټول پاکستاني ملت او اسلامي نړۍ ته مبارکي وركولو سره وئيلي دي چې زه د پاك پروردګار په دربار كښې لاس په دعا يمه چې دا بركتي موقعه اسلامي نړۍ او پاكستان لپاره د رحمتونو او خوشحالو سبب وګرچي۔ دا لويې اختر مونږ ته د پروردګار د دوو غوره شویو پیغمبرانو حضرت ابراهیم (ع) او حضرت اسماعیل (ع) د تسليم او رضا ياد راكوي۔ د ايوان صدر پرېس ونګ له مخې صدر مملكت آصف علي زرداري په خپل پېغام كښې ووئيل كله چې پاك پروردګار دغه ستر شخصيتونه له ازموينې سره مخ کړل، نو دواړو د خداي په وړاندې خپل سرونه ټيټ كړل۔ ده ووئيل د قربانۍ دا عمل پاك پروردګار ته دومره خوښ شو چې هغه يۍ د نبي علېه السلام امت لپاره لازمي وګرځولو۔ نبي علېه السلام (ص) فرمایلي دي چې د الله په نزد تر ټولو لویه ورځ د قربانۍ ورځ ده۔ دا مونږ ته درس راکوي چې د امتحانونو او ازموینو په حالت کې ثابت قدمه پاتې کیدل او د پاك پروردګار اطاعت او فرمانبرداري اصل كاميابي ده۔ ده ووئيل د لوی اختر په مناسبت باید ټول پاکستانیان دا عزم تکرار کړي چې مونږ به د ورورولۍ، قربانۍ، مینې او اخلاص سره خپل شاوخوا خلکو سره مرسته كوؤ۔ ده ووئيل مونږ له به د قربانۍ په اصل روح پوهېدو سره خپل عملي ژوند كښې د ايثار او قربانۍ څرګندونه كول وي۔ ده ووئيل د اختر په موقعه دې موقعه دې بې وزله كورنۍ هم خپلو خوشحالو كښې شامل كړې شي۔ ده دعا وكړه چې پاك پروردګار دے په ټوله اسلامي نړۍ او په خاص توګه په پاکستان خپل فضل او کرم نازل کړي او زمونږ ټولو دې مرسته وكړي ٬ امين
لويې اختر مونږ ته د حضرت ابراهیم (ع) او حضرت اسماعیل (ع) تسليم او رضا يادوي ٬ صدر مملکت آصف علی زرداری
مضمون کا ماخذ : لوٹیریا کا نتیجہ
متعلقہ مضامین
