اسلام آباد 19جولائي (اے پي پي)د قومي اسمبلۍ سپيكر سردار اياز صادق وئېلي دي چې د پارليمان او اولس ترمينځه ژور تړون سره به په هېواد كښې جمهوريت مستحكم شي۔ ينګ سټيزن انټرن شپ پروګرام سره به د سباؤن معمارانو ته د پارليمان او د دې د كار نظام په اړه خبرتيا ترلاسه شي۔ د جمعې په ورځ د ينګ سټيزن انټرن شپ پروګرام ګډون كونكو ته خپله وېنا كښې ده ووئيل چې ټولو ماشومانو ته پارليمان ته په راتللو هركلے وايم٬ قومي اسمبلۍ كښې د ماشومانو د انټرن شپ پروګرام بنياد په 2014 كښې اېښودلې شوې٬ د ماشومانو انټرن شپ پروګرام زما زړه ته ډېر نزدے دے٬د ماشومانو روښانه سباؤن لپاره به ټول ممكنه اقدامات كوم۔ ده ووئيل چې خوشحاله يم چې په دې پروګرام كښې د هېواد د ټولو سيمو او طبقاتو نمائندګي ده٬پارليمان د 25 كروړه اولس دانش ګاه ده۔ ده ووئيل چې د پارليمان او اولس ترمينځه نزدې تړون سره به په هېواد كښې جمهوريت مستحكم شي۔ د ينګ سټيزن انټرن شپ پروګرام دلارې به د سباؤن معماران پارليمان او د دې د كار نظام څخه خبر شي۔ ده ووئيل دا خبره د اطمينان وړ ده چې د هېواد سباؤن په محفوظ لاسونو كښې دے۔ ده ووئيل چې د هېواد پرمختګ لپاره ضروري ده چې ټول په ګډه كار وكړي۔ د قومي اسمبلۍ سپيكر د ماشومانو په پروګرام كښې په بشپړه ګډون باوري كولو زور راوړو۔
د پارليمان او اولس ترمينځه ژور تړون سره به په هيواد كښې جمهوريت مستحكم شي:سردار اياز صادق
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
