نیو یارک۔27ستمبر(اے پی پی) وزیر اعظم محمد شہباز شریف ممتاز پاکستانی امری??ن بینکرز کوں ملک اچ انفراسٹرکچر، توانائی، ٹیکنالوجی، زراعت دے شعبیں اچ سرمایہ کاری دی دعوت ݙی??دے غیر ملکی سرمایہ کاراں دی سہولت سانڳے مستحکم میکرو اکنامک ماحول کوں برقرار رکھݨ سانڳے حکومت دے عزم دا اعادہ کیتے۔وزیراعظم آفس دے پریس ونگ توں جاری اعلامیہ موجب وزیراعظم محمد شہباز شریف نال اقوام متحدہ جنرل اسمبلی دے 79 ویں اجلاس دے موقع تے ممتاز پاکستانی امری??ن بینکرز دے وفد ملاقات کیتی۔وفد اچ جے پی مورگن، نیٹیزس کارپوریشنز اینڈ ا??ویسٹمنٹس، سومیٹومو مٹسوئی بینکنگ کارپوریشن، گولڈمین سیچس سٹیزنز بینک، لیزارڈ، آوڈیکس گروپ سودھے ممتاز بینکاں دے نمائ??دے شامل ہن ۔ ملاقات اچ وزیراعظم وفد کوں معیشت دے استحکام تے پاکستان اچ غیر ملکی سرمایہ کاری گھن آوݨ سانڳے حکومت دی طرفوں کیتے ڳئے اہم اقدامات دا ݙسایا جنہاں اچ ٹیکس بیس دی وسعت، کاروبار اچ سہولت تے ودھارا تے سرکاری اداریں اچ جاری اصلاحات شامل ہن۔ وزیر اعظم آکھیے حکومت دے اقدامات دے نتیجے اچ معاشی اعشاریں اچ بہتری آئی اے تے بین الاقوامی ریٹنگ ایجنسیاں بشمول فچ اتے موڈیز دی طرفوں پاکستان دی کریڈٹ ریٹنگ اچ ودھارا تھئے ، ان??اں وفد کوں ھک پائیدار مالیاتی فریم ورک دے قیام بارے وی ݙسایا جو حکومت کوں بین الاقوامی کیپٹل مارکیٹاں اچ گرین، سسٹین ایبلٹی بانڈ جاری کرݨ اچ معاون ثابت تھیسی ۔ وزیراعظم دا شکریہ ادا کری??دے وفد حکومت دیاں پالیسیاں دی تعریف کیتی جیڑھیاں پاکستان اچ معاشی استحکام گھنݨ اچ اہم کردار نبھیندیاں پئن ۔ وفد برآمدات ودھاوݨ اچ مدد سانڳے مینوفیکچرنگ سیکٹر بالخصوص ایس ایم ایز دی ترقی سانڳے حکومت نال تعاون اچ گھاٹی دلچسپی ݙکھائی ۔ وزیراعظم محمد شہباز شریف امریکی بینکاں کوں پاکستان اچ انفراسٹرکچر، توانائی، ٹیکنالوجی اتے زراعت دے اہم شعبین اچ سرمایہ کاری کرݨ دی دعوت ݙتی تے غیر ملکی سرمایہ کاراں دی سہولت سانڳے مستحکم میکرو اکنامک ماحول کوں برقرار رکھݨ سانڳے حکومت دے عزم دا یقین وی ݙیوائے۔
