اسلام آباد۔24مارچ (اے پی پی) د روغتيا قومي ادارې (اېن آئي اېچ) وئيلي دي چې د تېرو 24 ساعتو په مهال په ګرد هېوا كښې د كورونا وائرس نور 150 كېسونه رامخې ته شوي دي په كومو كښې چې د 22 رنځورانو حالت اندېښمن ښودلے شوے دے۔ په دې مهال د دې رنځ د لاسه يو تن مړ شوے هم دے۔ د جمعې په ورځ د اېن آئي اېچ لخوا د جاري كړې شوي بيان له مخې په ګرد هېوا كښی د تېرو 24 ساعتو په مهال په مجموعي توګه 4 زره 194 ټېسټونه وكړې شول په كومو كښې چې 150 ټېسټونه مثبت راغلي دي چې ورسره مثبت شرح 3.58 فیصده پاتې شوې ده۔ په دې مهال د دې رنځ د لاسه يو رنځور په حق رسېدلے هم دے۔ د هېواد په نورو ښارونو كښې د تېرو 24 ساعتو په مهال د كورونا ټېسټونو مثبت شرح په لاهور كښې په 452 ټېسټونو كښې د 31 په مثبت راتللو 6.86 ٬ اسلام آباد كښې په 270 كښې د 11 په مثبت راتللو 4.07 ٬ ملتان كښې په 105 كښې د 6 په مثبت راتللو 5.71 او بهاولپور كښې په 102 كښې د 2 ټېسټونو په مثبت راتللو د مثبت كېسونو شرح 1.96فیصده پاتې شوه۔
د تيرو 24 ساعتو په مهال د كورونا وائرس 150 كيسونه رامخې ته شول ٬ اين آئي اېچ
مضمون کا ماخذ : میگا ملینز
متعلقہ مضامین
