اسلام آباد۔23اکتوبر(اے پی پی) صدر مملکت آصف علی زرداری پاکستان اچ ج??ہوریت کوں تکڑا کرݨ سانڳے مادر جمہوریت بیگم نصرت بھٹو دے نظریے کوں مشعل راہ بݨاوݨ دی لوڑھ تے زور ݙیندے آکھیے ملک اچ ج??ہوریت کوں تکڑا کرݨ تے عوامی فلاح و بہبود سانڳے بیگم نصرت بھٹو دے مشن تے کارب??د رہسوں۔ صدر مملکت مادر جمہوریت بیگم نصرت بھٹو دی 13 ویں برسی دے موقع تے آپݨے سنھیے آکھیے انھاں آمر دے خلاف عوام دے حقوق اتے جمہوریت دی بحالی سانڳے وݙی جدوجہد کیتی ۔ صدر بیگم نصرت بھٹو دی جمہوریت سانڳے قربانیاں کوں خراج عقیدت پیش کریندے آکھیے پاکستان اچ ج??ہوریت دی بحالی اچ انھاں دی خدمات کݙاہیں بھلائیاں نی ونڄ سڳدیاں ، بیگم نصرت بھٹو اوکھے دور اچ پاکستان پیپلز پارٹی کوں قیادت ݙتی، ج??ہوریت سانڳے انھاں دیاں قربانیاں اتے سیاسی خدمات کوں خراج عقیدت پیش کریندوں صدر مملکت آکھیے بیگم نصرت بھٹو آمرانہ حکومت دے ظلم و جبر دا ہمت اتے بہادری نال مقابلہ کیتا ، او مادر جمہوریت عزم تے حوصلے دی علامت ہن ۔ آصف علی زرداری آکھیے بیگم نصرت بھٹو سیاسی بصیرت دی حامل ا??ے مدبر رہنما ہن، انہاں تریمتاں دی خود مختاری اتے سیاست اچ انھاں دی شمولیت اچ اہم کردار نبھایا ۔ صدر مملکت آکھیے بیگم نصرت بھٹو دی 13 ویں برسی تے انھاں دے مشن کوں جاری رکھݨ دا عزم کریندوں۔
