اسلام آباد06 جون(اے پی پی)صدر ډاكټر عارف علوي د المان حكومت لخوا د 94 -1993 څخه عطيه كړی يو كروړ 37 لكه روپو څخه زياتې د مرستې پېسې په نه مصرف كولو دا د تعليم وزارت يو مجرمانه فعل ٬نااهله او غېر ذمه وار ګرځولے۔ده وئيلي دي د ارزانو نصابي كتابونو طباعت لپاره د كاغذ اخستو لپاره چې كومه عطيه 30 كاله وړاندې وركړی شوې وه هغه تر نن ورځې استعمال نه شوه او حكومت د خپلو سمدستي ضرورياتو تر سره كولو لپاره په نړيواله كچه مرسته او پور غواړي۔صدر د وفاقي تعليم او پیشه وره تربيې وزارت ته هدايت وكړو چې د دې پلټنې وكړي او د ذمه وارو كسانو تعين سره د هغوي په ضد د قانون له مخې كاروائي وكړي۔صدر مملكت د تعليم وزارت خبردار كړے چې رېټائرډ او په حق رسېدلي كسان ذمه وار وان ګرځوئ او د دې تعميلي رپورټ په 45 ورځو كښې دننه وفاقي ټېكس محتسب ته جمع كړئ ۔د ايوان صدر مېډيا ونګ له مخې صدر په دې خبره رڼا اچولې چې ياد شوې رقم تر 6 كالو نان پرافټ اكاؤنټ كښې پروت ؤ او چا هم د دې پروا نه ده كړې٬كه چرې دا د كوم افسر ذاتي رقم ؤ نو يوه ورځ به يې هم ضائع كېدو له نه و وركولو او په ګټور سكيم كښې به يې جمع كړے ؤ ۔صدر د تعليم وفاقي وزارت ته امر كړے چې د پخواني اثر له مخې د استثنٰی سند ترلاسه كولو لپاره اېف بي آر او د زكواة څانګې سره مراجع وكړي او د زكواة څانګې ته دې هم امر وكړے شي چې هغوي د قواعدو او ضابطو له مخې يو ځل لپاره د استثنٰی جاري كولو په سند غور وكړي۔
صدر مملكت د المان عطيه كړې 1 كروړ 37 لكه روپو څخه زياتې د مرستې پیسې په نه مصرف كولو د تعليم وزارت ذمه وار وګرځولو
مضمون کا ماخذ : خیبر پختونخوا لاٹری
متعلقہ مضامین
